Description
‘A Pheigi a Ghràidh’, ‘Òran na h-Airship’, ‘A’ Bhriogais Uallach’, ‘Òran nan Stocainnean’; tha òrain a rinn iad am measg na feadhna as measail aig na Gàidheil an-diugh.
‘S e cruinneachadh de bhàrdachd agus òrain a rinn trì ginealaich den aon teaghlach tàlantach a th’ anns an leabhar seo – dà bhràthair agus piuhtar anns a’ chiad dol a-mach, ceathrar bhràithrean san ath ghinealach agus eisimpleir bho ghinealach an latha an-diugh.
Ged a chaidh àireamh dhiubh fhoillseachadh roimhe, cha deach an toirt cruinn a-riamh. ‘S e taghadh nan deasaichean agus an taghlaich a tha seo, a’ toirt sealladh air beatha alàitheil thar còrr is ceud bliadhna de dh’ atharrachadh sòisealta agus teicneòlasach ann an Uibhist a Deas. Tha na dealbhan a’ cur ris a’ bhàrdachd; sealladh eile air na bàird agus air dòigh-beatha na coimhearsnachd as an robh iad freumhaichte.
“Tha an teaghlach air fad air leth moiteil a’ bhàrdachd seo fhaicinn ann an clò a’ toirt cothrom dhan mhòr-shluagh na h-òrain a leughadh agus a seinn. Tha sinn a’ toirt taing dha Jo NicDhòmhnaill agus Ceòlas airson an obair ionmholta a rinn iad agus airson an cohtrom seo fhaighinn dìleab nan Caimbeulach a thoirt dhan ath ghinealach.” – Dòmhnall Ruairiadh Caimbeul
A selection of the Gaelic songs and poems of the Campbell family of South Lochboisdale, South Uist passed on from generation to generation.
There are no reviews yet.